ტურინის "იუვენტუსის" მთავარი მწვრთნელი მასიმილიანო ალეგრი "იუვენტუსის" ისტორიაში შევიდა. ალეგრიმ თავის ახალ გუნდს სერია A-ს 18 ჩატარებულ შეხვედრაში 43 ქულა მოაპოვებინა. სადებიუტო სეზონში კი ასეთი მაჩვენებელი მხოლოდ ლეგენდარულ ფაბიო კაპელოს ჰქონდა (2004-2005). მარჩელო ლიპის დროს, თავის პირველ სეზონში საწყის 18 ტურში გუნდს 39 ქულა ჰქონდა, ხოლო ანტონიო კონტეს - 38. ალეგრი საუკეთესოა ბურთების მაჩვენებლის მხრივაც. 38 გატანილი და 9 გაშვებული გოლი სადებიუტო წლისთვის "იუვეს" ისტორიაში საუკეთესო მაჩვენებელია.

ალეგრის დამოძღვრილი გუნდი სერია A-ს ერთპიროვნულად ლიდერობს და მდევარ "რომას" 3 ქულით უსწრებს, პარალელურად კი ჩემპიონთა ლიგის მერვედფინალშიცაა გასული.