რომის “ლაციოს” პრეზიდენტმა კლაუდიო ლოტიტომ სერია A-ს მე-18 ტურში, დედაქალაქურ დერბიში “რომასთან” 2:2 დასრულებული მატჩის შემდეგ დაასკვნა, რომ “ძუ მგლები” მიმდინარე სეზონში “სკუდეტოს” ვერ მოიპოვებენ.

ამის შესახებ მან Radio2-ის ეთერში განაცხადა.

“რომა” სკუდეტოს მოგებას ვერ შეძლებს, რადგან “იუვენტუსი” მასზე ძლიერია. მზად ვარ ნებისმიერს დავენაძლეო - “ლაციოს” პრეზიდენტის სავარძელს ჩამოვდივარ. რაც შეეხება ტოტის სელფს, ეს უჭკუო გადაწყვეტილება იყო და მას ფეხბურთთან არაფერი აკავშირებს. ის მხოლოდ გულშემატკივარს აღიზიანებს. ჩვენი კაპიტანი მაური ასეთ რამეს არასდროს გააკეთებს” - განაცხადა ლოტიტომ.

სერია A-ში ჩატარებული 18 მატჩის შემდეგ, “რომა” 40 ქულით მეორე ადგილზეა, მას 3 ქულით უსწრებს “იუვენტუსი”, ხოლო “ლაციო” 31 ქულით მე-3 ადგილზეა.