იტალიური “რომა” დონეცკის “შახტარის” თავდამსხმელით ლუის ადრიანოთი დაინტერესდა. აღნიშნულ ინფორმაციას ცნობილი გამოცემა Tuttosport–ი ავრცელებს.

დედაქალაქური კლუბის ხელმძღვანელობა 27 წლის ფორვარდს მატია დესტროს ერთ-ერთ შესაძლო შემცვლელად განიხილავს, რომელმაც შესაძლოა “რომა” დატოვოს. ადრიანოს გარდა, “მგლები” ჯექსონ მარტინესსა და კრისტიან ბენტეკეს აკვირდებიან.

ლუის ადრიანოს “შახტართან” მოქმედი ხელშეკრულება 2015-წლამდე აკავშირებს და დაახლოებით 7 მილიონ ევროდაა შეფასებული. ბრაზილიელ ფორვარდს მიმდინარე ჩემპიონთა ლიგის გათამაშებაში 9 გოლი აქვს გატანილი და ბომბარდირთა დავას უდგას სათავეში.