ტოგოელი თავდამსხმელი ემანუელ ადებაიორი შესაძლოა იტალიის ჩემპიონატში ვიხილოთ. Evening Standard-ის ცნობით, გამოცდილი ფორვარდით სერია A-ს აუტსაიდერი “პარმა” ინტერესდება.

ლონდონის “ტოტენჰემში” ადებაიორის ადგილი აღარაა, რადგან ახალგაზრდა ფორვარდი ჰარი კეინი შესანიშნავად ათამაშდა და კონკურენტებს ძირითადში მოხვედრის აღარანაირ შანსს არ უტოვებს. ტოგოელს სათამაშო პრაქტიკა სჭირდება, ამიტომაც კლუბის შეცვლა სურს. თავის მხრივ, გაძლიერება სურს “პარმას”, რომელიც იტალიის ჩემპიონატში ბოლო ადგილს იკავებს და ახალი ფეხბურთელების დამატება ჰაერივით ესაჭიროება.

ერთადერთი ფაქტორი, რამაც შესაძლოა ტრანსფერს შეუშალოს ხელი, ადებაიორის ძალიან მაღალი ხელფასია, რასაც ემილიური კლუბი ვერ გასწვდება.