1. 2012 წლის უიმბლდონის ნახევარფინალში გამარჯვების შემდეგ, ბრიტანელმა ენდი მარიმ პრესკონფერენციაზე საქვეყნოდ მისცა შენიშვნა საკუთარ დედას - საჩოგბურთო მწვრთნელ ჯუდ მარის: "დედა, ძალიან მძაფრი ღვინის სუნი გდის", რის შემდეგაც ჯუდმა თავი იმართლა, რომ ორმა ყველაზ ცნობილმა შოტლანდიელმა - შონ კონერიმ და ალექს ფერგიუსონმა აიძულეს, მათთან ერთად აღენიშნა წითელი ღვინით შვილის წარმატება.

2. სიდნი ვუდს კარიერის განმავლობაში უიმბლდონის ტურნირი აქვს მოგებული, თუმცა ყოველთვის წარმატების ზენიტში, რა თქმა უნდა, არ ყოფილა, საფრანგეთის ღია პირველობის საწყის ეტაპზე 5-საათიანი მატჩის წაგების შემდეგ სიდნიმ გადაწყვიტა, თავი განეტვირთა... 3-საათიანი ძებნის შემდეგ, შერეულ წყვილებში მისმა პარტნიორმა გოგონამ ვუდი კორტზე უგონო მთვრალი იპოვა.

3. ანდრე აგასიმ თავის ავტობიოგრაფიულ წიგნში აღნიშნა, რომ ნიკ ბოლეტიერის აკადემიაში სწავლის პერიოდში სისტემატიურად სვამდა დიდი რაოდენობით ვისკის.

4. ავსტრალიის ღია პირველობაზე კიმ კლაისტერსთან განცდილი მწარე მარცხის შემდეგ სასტუმროში დაბრუნებულმა ნა ლიმ გადაწყვიტა, "სამყაროს მოსწყდომოდა".

"მეორე დილით ჩინური ახალი წელი თენდებოდა და ჩემს ირგვლივ ყველა ბედნიერი იყო, მხოლოდ მე ვიყავი უბედური უაზრო წაგების და 4 მატჩპოინტის განიავების გამო. ამიტომაც დიდი რაოდენობით სასმელი მივიღე და მეორე დილას რომ გავიღვიძე, აღარაფერი მახსოვდა, წაგებულ მატჩზე ხომ ლაპარაკიც ზედმეტია. ყველაფერი თავის ადგილზე დადგა და ახალი წელიც ახალი შემართებით დავიწყე".

5. პროფესიულ კარიერაში უკანასკნელი მატჩის გამართვის შემდეგ ენდი როდიკმა მიკროფონში განაცხადა პირთამდე გადავსებული კორტების წინ: "ჩემი კარიერა დასრულდა, მგონი, დავიმსახურე ლუდის თავისუფლად დალევა ტელეკამერების წინ".

6. მარატ საფინი ხშირად მეგობრობდა ალკოჰოლურ სასმელთან, განსაკუთრებით ხმაურიანი გამარჯვებების შემდეგ. 2000 წელს, ამერიკის ღია პირველობაზე პიტ სამპრასის დამარცხების შემდეგ რუსმა წარმატება დიდი რაოდენობით შამპანურით და არყით აღნიშნა.

7. ლეგენდარული სიუზან ლენგლენი უშუალოდ მატჩის მიმდინარეობისას იღებდა ხოლმე ალკოჰოლურ სასმელს მეტი სტიმულისთვის. ეს ძირითადად სეტებს შორის შესვენებისას ხდებოდა. მოგვიანებით "დიდმა ჩემპიონმა" აღიარა, რომ "შეზარხოშებული" გაცილებით უფრო თავისუფლად თამაშობდა, ვიდრე სრულიად ფხიზელი.

8. ანდრეა ჰლავაჩკოვას მამა ჩეხეთში ცნობილი ლუდის ჩამომსხმელია, აქედან გამომდინარე, სულაც არაა გასაკვირი, რომ მისი ჩოგბურთელი შვილი ხშირად სვამს ლუდს და მიიჩნევს, რომ სპორტსმენის კარიერის სწორად განვითარებას მცირე ალკოჰოლი არანაირად არ უშლის ხელს.

9. მსოფლიო რეიტინგის ყოფილი პირველი ჩოგანი ამელი მორესმო ღვინის დიდი მოყვარული გახლავთ, ტურნირებს შორის შესვენების დროს იგი სხვადასხვა ღვინის მაღაზიებს ხშირად სტუმრობდა, სადაც ორ ბოთლ ღვინოს ყიდულობდა, ერთს აუცილებლად დააჭაშნიკებდა, მეორეს კი საკუთარი კოლექციისთვის ინახავდა.

10. ენდი მარიმ ჟურნალისტებთან ინტერვიუში ძლივს გაიხსენა, ბოლოს როდის მიიღო ალკოჰოლური სასმელი: "ეს ძალიან დიდი ხნის წინ მოხდა. თინეიჯერობის პერიოდში ბარსელონის საჩოგბურთო აკადემიაში ვვარჯიშობდი, ერთ დღეს გავცივდი, თავს ცუდად ვგრძნობდი და გადავწყვიტე, არყით მემკურნალა. შედეგების დაკონკრეტებას ნუ მთხოვთ".