“ოკლაჰომა სიტი სანდერის” გამთამაშებელმა რასელ უესტბრუკმა მარჯვენა მუხლზე ართროსკოპიული ოპერაცია გადაიტანა და მოედანს “ყველა ვარსკვლავთა მატჩის” შემდეგ დაუბრუნდება, რომელიც 2014 წლის 16 თებერვალს ჩატარდება. ამგვარად, რასელი მინიმუმ შვიდ კვირას გამოტოვებს.

აღსანიშნავია, რომ უესტბრუკმა გასულ აპრილში მენისკის გაწყვეტის შემდეგ, მარჯვენა მუხლზე უკვე მე-3 ოპერაცია გადაიტანა. ამჯერად, ოკლაჰომელთა ლიდერისთვის შედარებით მსუბუქი სამკურნალო პროცედურები იგეგმებოდა, თუმცა, საბოლოოდ, მაინც ქირურგიული ჩარევა გადაწყდა.

მიმდინარე სეზონში უესტბრუკის საშუალო მონაგარი 21.3 ქულა, 7.0 პასი და 6.0 მოხსნაა.