“ლივერპულის” მცველი ჯეიმი კარაგერი დარწმუნებულია, რომ სეზონის ბოლოს კარიერის დასრულება მისი მხრიდან სწორი ნაბიჯი იქნება.
“სასიამოვნოა, როდესაც ხალხი გეუბნება: “კარგად თამაშობ, კარიერა უნდა გააგრძელო”. თუმცა, ეს რაც უფრო ხშირად მესმის, მით უფრო ვრწმუნდები, რომ სწორი გადაწყვეტილება მივიღე. როგორც “ევერტონის” ქომაგსა და “ლივერპულის” მოთამაშეს, ბევრი ადამიანი მინახავს, ვის შესახებაც გულშემატკივრები ფიქრობდნენ, რომ ფეხბურთში დიდი ხანი დარჩნენ. მე ეს არ მინდა. ერთი პერიოდი ვფიქრობდი: “სად წახვალ? “ლივერპულს” როგორ დაემშვიდობები?” თუმცა, თავში “ჩამეჭედა” ფრაზა, რომელიც ერთი უცხოელი მოთამაშისგან გავიგე: “წადი ფეხბურთიდან, ვიდრე ფეხბურთი შენგან არ წავიდა”, - განაცხადა 35 წლის კარაგერმა Liverpool Echo-სთან საუბარში.
