გერმანიის ნაკრებთან ამხანაგურ მატჩში განცდილი მარცხის შემდეგ ინგლისის ნაკრების მთავარმა მწვრთნელმა როი ჰოჯსონმა თქვა, რომ მისმა შეგირდებმა ჩვეულ დონეზე თამაში ვერ შეძლეს. შეხვედრა ინგლისში გუშინ გაიმართა და სტუმრებმა პერ მერტეზაკერის გოლით მოიგეს.
“გაცილებით ხარისხიანად თამაში გვმართებდა. ვერ ვიტყვი, რომ ბიჭებმა არ მოინდომეს, მაგრამ მათი გარჯა მაინც დაუკმაყოფილებლის გრძნობას ტოვებდა. გერმანელებმა პასის კულტურით და შეტევის დამაგვირგვინებელ ფაზაში თამაშით გვაჯობეს. განსაკუთრებით ბოლო ნახევარ საათში” – განაცხადა ჰოჯსონმა.
