საქართველოს მორაგბეთა XXIV ეროვნული ჩემპიონატის მე-16-ე ტურის ერთი მატჩი დაგეგმილზე ადრე, კვირას გაიმართა და სტადიონზე მისულმა ასიოდე მაყურებელმა მხოლოდ ერთი ლელო და ერთი ჯარიმა იხილა.
თბილისის “ჯიქებს” ამ მატჩამდე ზედიზედ ოთხი წაგება ჰქონდა, რის გამოც მის საჩემპიონო პლეი ოფში გასვლის ამბიცია კითხვის ნიშნის ქვეშ დადგა და პრინციპში, სიტუაცია ამ გამარჯვებით გაუმჯობესებულა. მართალია “აკადემიას” 5:3 ძლევით ისინი ექვსეულში დაბრუნდნენ, მაგრამ კონკურენტებზე ორი და სამი თამაშით მეტი აქვთ ჩატარებული.
განვლილი შეხვედრის პირველი ტაიმი რაგბისთვის უჩვეულო ანგარიშით, 0:0 დასრულდა, მეორე ტაიმის დასაწყისში კი, უძლიერესთა შორის ადგილის შენარჩუნებისთვის მებრძოლმა “აკადემიამ” მათიაშვილის ჯარიმით ანგარიში გახსნა. აკადემიელები უმნიშვნელოვანესი 4 ქულის აღებასთან ძალიან ახლოს იყვნენ, მაგრამ ვერ გაძლეს, 78-ე წუთზე ლელო მიიღეს და მხოლოდ 1 პრემიალურ ქულას დასჯერდნენ. “ჯიქებს” გამარჯვება კიკნაძემ მოუტანა.
შუა კვირაში მე-10-ე ტურის გადატანილ მატჩში “ბათუმი” “არმაზს” დაუხვდება, რეგულარული პირველობა კი, 20 მარტიდან განახლდება.
საქართველოს მორაგბეთა XXIV ეროვნული ჩემპიონატი
XVI ტური. 9 მარტი (გადმოტანილი)
თბილისი. “შევარდენი”. 100 მაყურებელი
ჯიქები (თბილისი) - აკადემია (თბილისი) 5:3 (0:0)
ჯიქები: 15. კიკნაძე, 14. ბიწაძე, 13. დევსურაშვილი, 12. ჯინჯიხაძე, 11. ბერძული (ხარაზიშვილი 41), 10. სვანიძე, 9. ჭინჭარაული; 1. გოგოლიძე (ოქრიაშვილი 77), 2. მამრიკიშვილი, 3. გაგნიძე, 4. ტრაპაიძე (მასხარაშვილი 46), 5. მჭედლიშვილი, 6. შენგელია, 7. პაპავაძე (ოქრომელიძე 51), 8. სუხაშვილი.
1 ლელო: კიკნაძე
აკადემია: 15. შ. დავითაშვილი, 14. ჯ. ღამბაშიძე, 13. ჭუაძე, 12. ილურიძე, 11. მათიაშვილი, 10. ტალახაძე, 9. ქოპილაშვილი; 1. ფეიქრიშვილი (წვერავა 74), 2. ალხაზაშვილი, 3. მაზმიშვილი (გ. ღამბაშიძე 52), 4. გოგლიძე, 5. ზოიძე, 6. ნიბლაძე, 7. შუბითიძე, 8. გოგოლაძე (მაღლაკელიძე 71).
1 ჯარიმა: მათიაშვილი
| 1. | ლელო | 13 | 10 | 0 | 3 | 373-153 | 49 |
| 2. | აია | 13 | 10 | 0 | 3 | 292-158 | 46 |
| 3. | არმია | 13 | 9 | 1 | 3 | 363-212 | 45 |
| 4. | ლოკომოტივი | 13 | 9 | 0 | 4 | 298-235 | 40 |
| 5. | ყოჩები | 13 | 8 | 1 | 4 | 284-243 | 38 |
| 6. | ჯიქები | 15 | 6 | 2 | 7 | 261-232 | 35 |
| 7. | არმაზი | 12 | 7 | 0 | 5 | 208-227 | 31 |
| 8. | ხარები | 14 | 3 | 0 | 11 | 179-344 | 15 |
| 9. | აკადემია | 14 | 1 | 0 | 13 | 151-333 | 10 |
| 10. | ბათუმი | 12 | 1 | 0 | 11 | 162-434 | 6 |
12 მარტი. X ტური. გადადებული
ბათუმი - არმაზი
