ფიფა/კოკა კოლას იანვრის თვის რეიტინგში საქართველოს ფეხბურთელთა ეროვნული გუნდი 126-ე ადგილზეა.

აქამდე, ნაკრებს რეიტინგში ასეთი ცუდი შედეგია არ ჰქონია. ამაზე უარესი მაჩვენებელი მხოლოდ შარშან დეკემბერში დაფიქსირდა – 125-ე ადგილი.

რეიტინგის სათავეში ვითარება უცვლელია – პირველ ადგილზე გერმანიაა, მეორეზე არგენტინა, ხოლო მესამეზე კოლუმბია.

8 იანვრისთვის ფიფა/კოკა კოლას რეიტინში საუკეთესო 20 გუნდში ჩამონათვალი ასეთია:

1 (1). გერმანია – 1725

2 (2). არგენტინა – 1538

3 (3). კოლუმბია – 1450

4 (4). ბელგია – 1417

5 (5). ჰოლანდია – 1374

6 (6). ბრაზილია – 1316

7 (7). პორტუგალია – 1160

7 (7). საფრანგეთი – 1160

9 (9). ესპანეთი – 1142

10 (10). ურუგვაი – 1135

11 (11). იტალია – 1103

12 (12). შვეიცარია – 1091

13 (13). ინგლისი – 1032

14 (14). ჩილე – 1016

15 (15). რუმინეთი – 1014

16 (16). კოსტა რიკა – 995

17 (17). ჩეხეთი – 987

18 (18). ალჟირი – 948

19 (19). ხორვატია – 946

20 (20). მექსიკა – 913

...36 (36). შოტლანდია – 729

...41 (41). პოლონეთი – 680

...65 (64). ირლანდია – 519

...126 (125). საქართველო – 239

გერმანია, შოტლანდია, პოლონეთი და ირლანდია, ევროპის 2016 წლის ჩემპიონატის შესარჩევ ციკლში საქართველოს ნაკრების მეტოქეები არიან. კიდევ ერთი მოწინააღმდეგე გიბრალტარი რეიტინგში არაა, რადგან ფიფაში არ მიუღიათ.

გასული წლის მიწურულს საქართველოს ფეხბურთის ფედერაციამ ნაკრების მთავარი მწვრთნელად კახა ცხადაძე დანიშნა, რომელმაც კონტრაქტი 2017 წლამდე გააფორმა. ის ივნისამდე ბაქოს “ინტერში” და ეროვნულ გუნდში პარალელურად იმუშავებს, ხოლო ივნისიდან მხოლოდ ნაკრებს უხელმძღვანელებს.