ინგლისის ლიგის თასის 1/4 ფინალური ეტაპის მეორე დღე საინტერესო გამოდგა. “ტოტენჰემმა” შინ “ნიუკასლი” მიიღო და ჩემპიონატში განცდილი მარცხისთვის სრულფასოვანი რევანში აიღო.
პირველი სახიფათო მომენტი სტუმრებს ჰქონდათ, სისოკოს შორეული დარტყმული ვორმმა უკუაგდო. სამაგიეროდ, თავისიანებს დააღალატა მესამე მეკარემ ალნვიკმა, რომელმაც კუთხურიდან ჩამოწოდებული ბურთი ვერ შეიმაგრა და ბენტალებს შესანიშნავი საჩუქარი გაუკეთა, რომელმაც შანსი მშვენივრად გამოიყენა. სტუმრებს მალევე შეეძლოთ გათანაბრება, მაგრამ რივიერმა ძალზე ხელსაყრელი ეპიზოდი გააფუჭა. მეტოქის კარს პირველ ტაიმში ჰარი კეინი დაემუქრა, მაგრამ ალნვიკის კარს ოდნავ ააცილა.
მეორე ნახევარი იდეალურად დაიწყო “მამლებისთვის”, ნასერ ჩადლის შორეულ დარტყმულს მეორე გოლი მოჰყვა. უნდა ითქვას, რომ ალნვიკი არც ამ ეპიზოდში იყო დამაჯერებელი და უფრო მაღალი დონის მეკარე ასეთ დარტყმულს არ გაუშვებდა. 65-ე წუთზე უკვე ჰარი კეინის ჯერი დადგა და შეხვედრის ბედი გადაწყდა. 70-ე წუთზე თავისი გოლი შეცვლაზე ერთი წუთით ადრე გამოსულმა რობერტო სოლდადომაც გაიტანა, რომელმაც დამატებაზე ითამაშა კარგად და საბოლოო ანგარიში დააფიქსირა – 4:0.
დამაჯერებლად იმარჯვა კრიზისში მყოფმა “ლივერპულმა”, რომელმაც გასვლაზე ჩემპიონშიფის ლიდერი “ბორნმუთი” დაამარცხა უპრობლემოდ. პირველი ნახევარი სტუმრებმა რაჰიმ სტერლინგისა და ლაზარ მარკოვიჩის გოლებით მოიგეს. მეორე ტაიმში სტერლინგმა დუბლი გაიფორმა, ხოლო მასპინძელთაგან პრესტიჟის გოლი გოსლინგმა გაიტანა – 1:3. “ლივერპული” 1/2 ფინალშია.
ტოტენჰემი - ნიუკასლი 4:0 (1:0)
ლონდონი, “უაით ჰართ ლეინი”
ტოტენჰემი (4-2-3-1): ვორმი, ფასიო, ვერტონგენი, კირიკეში, როუზი, ბენტალები (კაპუე 80), სტამბული, ჩადლი (დემბელე 61), ერიკსენი, თაუნსენდი, კეინი (სოლდადო 69).
მწვრთნელი: მაურისიო პოჩეტინო
ნიუკასლი (4-2-3-1): ალნვიკი, უილიამსონი, კოლოჩინი, ჰაიდარა, დუმეტი, კოლბეკი, კაბელია (ვუკჩიჩი 80), სისოკო (ანიტა 73), პერესი, გუფრანი, რივიერი (არმსტრონგი 60).
მწვრთნელი: ალან პარდიუ
გოლები: 1:0 ბენტალები (18), 2:0 ჩადლი (46), 3:0 კეინი (65), 4:0 სოლდადო (70).
გაფრთხილებები: ჰაიდარა
მსაჯი: ანდრე მარინერი
ბორნმუთი – ლივერპული 1:3 (0:2)
ბორნმუთი, “გოლდსენდს სთედიუმი”
ლივერპული (3-4-3): ჯონსი, შკრტელი, ლოვრენი (სახო 46), ტურე, ჯერარდი (ბორინი 90), ლეივა, ჰენდერსონი, მარკოვიჩი, კოუტინიო (ჩანი 74), ლალანა, სტერლინგი.
მწვრთნელი: ბრენდან როჯერსი
გოლები: 0:1;0:3 სტერლინგი (20;51), 0:2 მარკოვიჩი (27), 1:3 გოსლინგი (57).
მსაჯი: მარკ კლატენბურგი
