საფრანგეთის ჩემპიონატის ერთი შეხვედრა გაიმართა. “მუნიციპალზე” კასანოვას გუნდი “მონაკოსთან” დამარცხდა. ლეგენდარული ბულგარელი მოთამაშის დიმიტარ ბერბატოვის გოლების შემდეგ ჟარდიმის გუნდი მერვე ადგილზე გავიდა.

45-ე წუთზე ბერბამ მეტოქის საჯარიმოში მიიღო ბურთი, მარჯვენა ფეხით მოჭრა, აჰამადამ კი ვერ აიღო.

მეორე გოლი თერთმეტმეტრიანით გაიტანა. დარტყმის მომენტამდე ოდნავ დააყოვა, მეკარის რეაქციას დაელოდა, დაახლოებით ისე, როგორც შტეფან ეფენბერგს უყვარდა პენალტების გატანა.

აჰამადა დარტყმას მარჯვენა კუთხისკენ ელოდა, ბურთი საპირისპირო მხარეს შეგორდა.

მატჩამდე “ტულუზასა” და “მონაკოს” 20-20 ქულა ჰქონდათ. მატჩის შემდეგ სტუმრებმა გასწრეს მასპინძლებს, მონაკო მერვეა, “ტულუზა” ათეულს მიღმა, მეთერთმეტე ადგილზეა.

ტულუზა – მონაკო 0:2 (0:1)

ტულუზა, “მუნიციპალი.”

ტულუზა: აჰამადა, მუბანჟე, გრიგორე, სპაჟიჩი (დიდო 84 ), ნინკოვი, სილა (რეგატინი 56 ), აგილარი, დუმბია, ბრეითვაითი, ბენ იედერი, პესიჩი (აკპა აკპრო 58 )

მთავარი მწვრთნელი: კასანოვა

მონაკო: სუბასიჩი, ფაბინიო, ტულალანი, აბდენური, რაჯი, მოუტინიო, ბაკაიოკო, სილვა, ბერბატოვი (ოკამპოსი 87), ფერეირა (დირარი 79), მარტიალი (ჟერმაინი 71)

მთავარი მწვრთნელი: ჟარდიმი

გოლები: 0:1, 0:2 ბერბატოვი (45, 77)

მთავარი მსაჯი: მიქაელ ლესაჟე

გაფრთხილება: ბერბატოვი (32), გრიგორე (52), ოკამპოსი (90+3)