„ლივერპულში“ არნე სლოტის გათავისუფლებისა და შესაბამისად, მწვრთნელის ცვლილების მიუხედავად, ალისონთან გადაწყვეტილება უცვლელი დარჩება.
როგორც ფაბრიციო რომანო იტყობინება, „ლივერპულის“ ხელმძღვანელობა მიმდინარე ზაფხულს ბრაზილიელ მეკარეს ხელშეუხებლად მიიჩნევს და ამას ვერც ახალი მწვრთნელის მოსვლა შეცვლის - ალისონი „წითლებში“ 2027 წლის ზაფხულამდე დარჩება.
ეს ნიშნავს, რომ გიორგი მამარდაშვილი „ლივერპულში“ ისევ მეორე მეკარედ მოიაზრება, რაც ქართველი მეკარის გეგმებში არ შედის და შეიძლება მან გუნდი დატოვოს. რამდენიმე დღის წინ რომანო და ნიკოლო სკირა იტყობინებოდნენ, რომ თუ ალისონი დარჩებოდა, შეიძლებოდა მამარდაშვილი იჯარით წასულიყო.
ცნობილია, რომ ქართველი მეკარე იჯარით „იუვენტუსს“, „ინტერსა“ და „ფიორენტინას“ შესთავაზეს. გიორგით ასევე დაინტერესებულია სტამბოლის „ფენერბაჰჩეც“.
შეგახსენებთ, გიორგი მამარდაშვილმა 2025-2026 წლების სეზონში „ლივერპულის“ მაისურით ყველა ტურნირზე 20 მატჩი ჩაატარა.
