ესპანეთის ლა ლიგის 34-ე ტურში სანტანდერის „რასინგის“ ფეხბურთელმა გიორგი გულიაშვილმა დუბლი შეასრულა.

ქართველმა თავდამსხმელმა „ანდორას“ კარი მე-4 და მე-16 წუთებზე ორჯერ დალაშქრა, ორივე შემთხვევაში ერთნაირ სტილში - ახლო მანძილიდან, როცა მარცხენა ფლანგიდან თავისი გუნდის შეტევა დაასრულა.

სანტანდერელები 2:0 დაწინაურდნენ, მაგრამ არათუ ვერ მოიგეს ან ქულა ვერ მოიპოვეს, არამედ განადგურდნენ. „ანდორამ“ 0:2-დან მოახერხა და 6:2 მოიგო! "რასინგი", რომელიც ლა ლიგის საგზურისთვის იბრძვის, 34-ე წუთამდე ორბურთიანი უპირატესობას ფლობდა, 2:6 დამარცხდა...

ქართველმა ზედიზედ მეორე მატჩში გაიტანა, დუბლიც „რასინგში“ მეორედ შეასრულა. გიორგი გულიაშვილს ლა ლიგა 2-ის მიმდინარე სეზონში 11 მატჩში 5 გოლი აქვს გატანილი, ხოლო ერთხელ საგოლე პასი გააკეთა.

„რასინგი“ ბოლო ოთხ ტურში მესამედ დამარცხდა, თუმცა 62 ქულით ლიდერობას ინარჩუნებს, მომდევნო ტურში კი, 12 აპრილს, კონკურენტ „ალმერიას“ უმასპინძლებს, რომელიც მესამე ადგილზეა.