„ლივერპულის“ მთავარმა მწვრთნელმა არნე სლოტმა კომენტარი გააკეთა თავისი გუნდის მარცხზე ინგლისის ლიგის თასის მეოთხე რაუნდში, სადაც მერსისაიდელები „კრისტალ პალასთან“ საშინაო მატჩში 0:3 განადგურდნენ.

„კლუბს ამჟამად მხოლოდ 15 მოთამაშე ჰყავს ხელმისაწვდომი. გარდა ამისა, ეს ტურნირი ტრადიციულად აკადემიის მოთამაშეებისთვის პლატფორმას წარმოადგენს - მეგონა, რომ ეს სწორი გადაწყვეტილება იყო. მატჩის შედეგმა არ შემიცვალა აზრი, რადგან ჩვენი სასტარტო შემადგენლობითაც კი, კრისტალ პალასის“ წინააღმდეგ გამარჯვება არ გვქონია“, - ციტირებს სლოტის სიტყვებს The Athletic.

„ლივერპული“ ამ სეზონში სამჯერ დაუპირისპირდა „კრისტალ პალასს“ და ვერცერხელ გაიმარჯვა. მერსისაიდელებმა პრემიერლიგაში წააგეს (1:2), ინგლისის სუპერთასზე ლონდონელების დამარცხება ვერ შეძლეს (2:2, 2:3 პენალტებში) და ინგლისის ლიგის თასზეც დამარცხდნენ (0:3).