ესპანეთის ლა ლიგის ბოლო ტურში „ბარსელონამ“ „ბილბაო“ სტუმრად 3:0 დაამარცხა. ეს მატჩი არაფერს წყვეტდა, მხოლოდ რობერტ ლევანდოვსკის ჰქონდა კილიან მბაპეს გადასწრების თეორიული, მიზერული შანსი.

პოლონელმა ორი გოლი გაიტანა, მაგრამ ბომბარდირობისთვის ეს არ ეყო: საუკეთესო ბომბარდირი კილიან მბაპე გახდა, რომელმაც 31 გოლი გაიტანა, რობერტ ლევანდოვსკი 27 გოლით მეორე ადგილს დასჯერდა.

„ბარსელონამ“ „ბილბაო“ „სან მამესზე“ 3:0 დაამარცხა, ლევანდოვსკის დუბლს ერთი გოლი დანი ოლმომ დაუმატა.

ლა ლიგაში ყველა ვერდიქტი ცნობილია:

„ბარსელონა“ ჩემპიონია (88 ქულით), მასთან ერთად ჩემპიონთა ლიგაზე გავიდნენ „რეალი“, „ატლეტიკო“, „ბილბაო“ და „ვილიარეალი“, ევროპა ლიგაზე „ბეტისი“ და „სელტა“ ითამაშებენ, ხოლო კონფერენს ლიგაზე - „რაიო ვალეკანო“.

ლა ლიგა 2-ში გავარდნენ „ლეგანესი“, „ლას პალმასი“ და „ვალიადოლიდი“. ლა ლიგა 2-დან აღზევდა „ლევანტე“, ხოლო დანარჩენი ორი გუნდის ვინაობა მოგვიანებით გაირკვევა.

ლა ლიგის სატურნირო ცხრილი