ბრიტანული BBC-ის ცნობით, „ლივერპულის“ ფორვარდს მოჰამედ სალაჰს მართლაც ჰქონდა მომგებიანი, 500-მილიონგირვანქიანი შეთავაზება საუდის არაბეთიდან.

გავრცელებული ინფორმაციით, ფეხბურთელმა „ლივერპულთან“ კონტრაქტის გახანგრძლივება გადაწყვიტა, რადგან მას კვლავ სურს მონაწილეობა მიიღოს „პრემიერლიგისა და ჩემპიონთა ლიგის სპორტულ გამოწვევებში".

გარდა ამისა, ის კვლავ იქნება „ლივერპულის“ ყველაზე მაღალანაზღაურებადი მოთამაშე, კვირაში დაახლოებით 400000 გირვანქით. სალაჰი ასევე სრულად არ ხურავს ვარიანტს საუდის არაბეთთან ინგლისურ გუნდთან ახალი ორწლიანი კონტრაქტის გაფორმების შემდეგ.

სალაჰმა მიმდინარე სეზონში „ლივერპულის“ რიგებში 46 მატჩი ჩაატარა ყველა ტურნირზე, 32 ბურთი გაიტანა და 23 საგოლე გადაცემა შეასრულა. ფეხბურთელის ამჟამინდელი კონტრაქტი მის კლუბთან 2027 წლის ზაფხულამდეა ძალაში.