ესპანეთის ლა ლიგის მე-19 ტურში მადრიდის „რეალი“ დამარცხდა. კარლო ანჩელოტის გუნდს პრობლემები რომ აქვს, არახალია, მაგრამ ბოლო ტურებში „ბარსელონასთან“ ჩამორჩენა შეამცირა. თუმცა, ახლა ისევ დაუცდა ფეხი.

„სამეფო კლუბი“ „ბილბაოსთან“ საგარეო შეხვედრაში ვერაფერს გახდა. ალექს ბერენგერმა მეორე ტაიმის დასაწყისში გახსნა ანგარიში. შემდეგ კილიან მბაპეს ჰქონდა წონასწორობის აღდგენის შანსი, მაგრამ პენალტი ვერ გაიტანა. კილიანმა ზედიზედ მეორე პენალტი გააცუდა...

78-ე წუთზე ჯუდ ბელინგემმა მაინც შეძლო გათანაბრება, თუმცა ორ წუთში გურუსეტას გოლით ბასკებმა გამარჯვება მოიპოვეს.

„რეალი“ 33 ქულით მეორე ადგილზეა და 4 ქულით ჩამორჩება „ბარსელონას“, მაგრამ თამაშით ნაკლებიც აქვს ჩატარებული. მომდევნო ტურში ანჩელოტის გუნდი 7 დეკემბერს, „ჟირონას“ ესტუმრება.

"ბილბაო" - "რეალი" 2:1 (0:0)

გოლები: 1:0 ბერენგერი (53), 1:1 ბელინგემი (78), 2:1 გურუსეტა (80)