ბულგარეთში მიმდინარე ძალოსანთა ევროპის ჩემპიონატზე ქალთა შორის 87 კგ. წონით კატეგორიაში მარიამ მურღვლიანმა იასპარეზა.

ძალოსანმა კონტინენტის პირველობაზე ნაკრების მთავარი მწვრთნელის, თემურ ჯანჯღავას ხელმძღვანელობით ატაცში 97 კგ. დაძლია და მე-10 ადგილზე გავიდა.

მარიამმა აკვრაში თავი 116 / 121 კილოგრამს გაართვა და მე- 7 საფეხურზე გავიდა, ხოლო ორჭიდში მოგროვილი 218 კილოგრამით კი მე-10 ადგილი დაიკავა.

აღსანიშნავია, რომ მარიამი ჯერ მხოლოდ 17 წლის არის და დიდების ჩემპიონატზე დებიუტი აქვს.