„ნაპოლის“ პრეზიდენტმა აურელიო დე ლაურენტისმა იტალიის ჩემპიონატის მოგების შემდეგ კომენტარი გააკეთა. როგორც მან თქვა, ახლა მიზანი ჩემპიონთა ლიგის მოგებაა!

„მადლობა, მადლობა, მადლობა თქვენ მეუბნებოდით, რომ გამარჯვება გინდოდათ და გავიმარჯვეთ. ყველამ ერთად გავიმარჯვეთ და კვირას „ფიორენტინასთან“ ყველანი აქ ვიქნებით დიდ წვეულებაზე (მიმართავს ფანებს - რედ). კიდევ ერთხელ მადლობა ყველას. რაც „ნაპოლის“ მფლობელი ვარ, 7 წელი დაგვჭირდა ევროთასებზე გასასვლელად, შემდეგ კიდევ 10 წელზე მეტი სკუდეტოს მოსაგებად, მაგრამ ჩვენ დროს ვუსწრებთ. ახლა ისევ უნდა მოვიგოთ. ჩემპიონთა ლიგა გვაკლია. როცა გუნდში მოვედი, კრიზისი იყო, მაგრამ ეს პროექტი არასდროს ჩერდება. ეს არის ამოსავალი წერტილი.

ეს არის მოლოდინის კორონაცია, რომელიც 33 წელი გრძელდებოდა. სპალეტი? დიახ, ის რჩება და ახლა მადლობა უნდა გადავუხადოთ კავანის, იგუაინს, ლავეცის და ყველას, ვინც ამ წლებში ამ სკუდეტომდე მიგვიყვანა.

„ნაპოლი“ ყველას ეკუთვნის. არის ჩემს მიმართ კრიტიკა, რაც ლეგიტიმურია, მაგრამ ცხოვრებაში ყოველთვის გამარჯვებული ვიტაბი. იტალიაში 10 მილიონი ფანი გვყავს, მსოფლიოში, მხოლოდ დასავლეთითი 83 მილიონი, მაგრამ მატება გვაქვს, გვიყურებენ ჩინეთში, საქართველოში, სამხრეთ კორეაში, მალე შეგვიძლია 200 მილიონი გულშემატკივარი გვყავდეს“, - თქვა დე ლაურენტისმა.

შეგახსენებთ, რომ აურელიო დე ლაურენტისი „ნაპოლის“ მფლობელი 2004 წლიდანაა და მის პერიოდში გუნდმა თითოჯერ იტალიის ჩემპიონატი და სუპერთასი მოიგო, სამჯერ კი იტალიის თასი.