„ბარსელონას" ნახევარმცველმა, სერხიო ბუსკეტსმა, რომელსაც გუნდთან კონტრაქტის ვადა სეზონის ბოლოს ეწურება, კლუბისგან მისი გახანგრძლივების შეთავაზება მიიღო - წერს Mundo Deportivo.
წყაროს ცნობით, ამ შემთხვევაში 34 წლის ფეხბურთელის ხელფასი 75%-ით შეუმცირდება - 30 მილიონი ევროდან წელიწადში 7-8 მილიონ ევრომდე.
ბუსკეტსი „ბარსელონას“ აღზრდილი და ამჟამინდელი კაპიტანია. ის კლუბის სტრუქტურაში 2005 წლიდანაა და მას შემდეგ პირველ გუნდში 713 მატჩის გამართვა მოახერხა. ამ მაჩვენებლით ერთ-ერთი ლიდერია.
ზაფხულის სატრანსფერო ფანჯრისას ახალწვეულების შეძენა თუ სურს „ბარსელონას“, ხელფასების მნიშვნელოვნად შემცირება მოუწევს. პირველ რიგში ეს ვეტერან ბუსკეტსსა და ჟორდი ალბას შეეხებათ, რომლებიც გუნდში ყველაზე მაღალანაზღაურებად მოთამაშეებს შორის არიან.
