ამ შაბათ-კვირას რაგბი ევროპის ჩემპიონატის გათამაშება იწყება, პირველი მატჩების წინ კი რაგბი ევროპის ოფიციალურმა ვებ-გვერდმა ყველა გუნდიდან მოთამაშეები გამოარჩია, ამ სიაში საქართველოს ნაკრებიდან დავით ნინიაშვილი და ბექა გორგაძე მოხვდნენ.
„საქართველოს ნაკრებში სიურპრიზი არ არის, რომ დავით ნინიაშვილი უნდა გამოვარჩიოთ. მას ყურადღება კარგად უნდა მიაპყროთ, რადგან მის ეპიკურ უნარებს, თანაც საკმაოდ ჭარბს, ნებისმიერი თამაშის შემობრუნება შეუძლია. ის პირველად ეროვნული კვართით 2019 წელს გამოჩნდა, როდესაც თავისი ქვეყნის 18-წლამდელთა გუნდს გამარჯვება მოაპოვებინა. 20 წლის მოთამაშემ თავისი სახელი ტესტ მატჩების დონეზე უკვე ჩაწერა, რაგბი ევროპის ჩემპიონატი 2023 კი უკვე იქნება მისი პირველი ნაბიჯი, რომ ახალ სიმაღლეებს მიაღწიოს“
ექსტრა კოზირი - ბექა გორგაძე: „რაგბის სამყაროს ერთ-ერთი ყველაზე გამძლე მესამეხაზელი. ქართველი შემტევი არის ის მოთამაშე, რომლის ყოლაც ნებისმიერ მწვრთნელს გაუხარდებოდა. ის დაუღალავად შრომობს და თავის კლასს ბოჭვებისა და ბურთის ამოღების დროს კარგად ავლენს.“ - დაწერა რაგბი ევროპის ვებ-გვერდმა.
საქართველოს ნაკრები რაგბი ევროპის მორიგ გათამაშებას 5 თებერვალს, 13:00 საათზე ავჭალის სტადიონზე, გერმანიის ნაკრებთან დაპირისპირდებით გახსნის.
