„რედ ბული“ მალე თავის ახალ სარბოლო ავტომობილს, RB19-ს გვიჩვენებს. ავსტრიული გუნდ ამბობს, რომ ეს რეალური მანქანა იქნება და არა კამუფლირებული მაკეტი.
ბევრი მიმომხილველი უკვე იმაზეც ფიქრობს, რომ ხარებმა საპრეზენტაციოდ ნიუ იორკი იმისთვის შეარჩიეს, რომ თავიანთი ახალი პარტნიორი, „ფორდი“ წარმოგვიდგინონ.
:რედ ბულს“ ამერიკელი სპონსორები ჰყავს, მაგრამ ოკეანის იქით პრეზენტაციის მოწყობა მეტისმეტად ძვირია და გარკვეულ რესურსს მოითხოვს, რაც სეზონისთვის მზადებისას, დიდი ფუფუნება უნდა იყოს. მაგრამ თუ ამას ისეთი პარტნიორისთვის აკეთებ, როგორიც „ფორდია“, მაშინ ხარჯი გამართლებული შეიძლება იყოს...
ნიუ იორკი საუკეთესო ადგილია იმისთვის, რომ „რედ ბულმა“ და „ფორდმა“ პარტნიორობის დაწყებასთან დაკავშირებით, ერთობლივი განცხადება გააკეთონ. „მირორი“ წერს, რომ მხარეებმა უკვე მიაღწიეს შეთანხმებას და კონტრაქტს სწორედ ნიუ იორკში გააფორმებენ.
