ბრიტანელი სპეციალისტი, სემ ელარდაისი, მალე „ევერტონის“ დამრიგებელი გახდება - გვამცნობს Independent.
მხარეები ხელშეკრულებას 2022/2023 წლების სეზონის დასრულებამდე გააფორმებენ. „ევერტონის“ ბანაკში სურთ, რომ 68 წლის სპეციალისტი კლუბს პრემიერლიგაში დარჩენაში დაეხმაროს, რის შემდეგაც შესაძლოა მასთან თანამშრომლობის გახანგრძლივებაზეც იფიქრონ.
შეგახსენებთ, რომ 2017-18 წლებში ელარდაისი უკვე მუშაობდა მერსისაიდულ კლუბში.
პრემიერლიგის მიმდინარე სეზონში „ევერტონი“ ძალიან ცუდად ასპარეზობს. 20 ჩატარებული შეხვედრის შემდეგ, მათ 15 ქულა დააგროვეს და სატურნირო ცხრილში ბოლოსწინა, მე-19 ადგილზე დგანან, რასაც ორიოდ დღის წინათ, მთავარი მწვრთნელის პოსტიდან ფრენკ ლამპარდის გათავისუფლება მოჰყვა.
