ფეხბურთი

18:04 | 29.11.2022 | ნანახია [] - ჯერ

თურქულ შეკრებაზე "ნაპოლის" ამხანაგური მატჩების განრიგი და მეტოქეები ცნობილია

„ნაპოლიმ“ ოფიციალურად დაადასტურა, რომ თურქეთში შეკრებას გაივლის, სადაც ამხანაგურ მატჩებს ჩაატარებს და მეტოქეებიც ცნობილია.

ლუჩანო სპალეტის გუნდი ანტალიაში 1 დეკემბერს გაემგზავრება და იქ 2 კვირის განმავლობაში ივარჯიშებს. ამხანაგურ მატჩს იტალიური კლუბი 7 დეკემბერს, „ანტალიასპორთან“, ხოლო 11 დეკემბერს, ინგლისურ „კრისტალ პალასთან“ ჩაატარებს.

„ნაპოლი“ 30 ნოემბერს, „კასტელ ვოლტურნოში“ შეიკრიბება და თურქეთში შემდეგ გაფრინდება. გუნდთან ერთად იქნება ხვიჩა კვარაცხელიაც, რომელიც ბოლო ცნობებით კარგადაა და შეკრებას გაივლის.

შეგახსენებთ, იტალიის სერია A-ში პაუზაა და სეზონი 4 იანვარს განახლდება, „ნაპოლის“ მეტოქე კი მილანის „ინტერი“ იქნება.

0.107648