„მანჩესტერ იუნაიტედის“ თავდამსხმელი, მარკუს რაშფორდი, გუნდიდან კრიშტიანუ რონალდუს წასვლას გამოეხმაურა.
„კრიშტიანუსთან ერთად თამაში დაუვიწყარი გამოცდილება გახლდათ. ის ჩემი ბავშვობის კერპია და მისგან ყოველთვის ვიღებდი მაგალითს. მადლობა ყველაფრისთვის. ყოველივე საუკეთესოს ვუსურვებ.“ - ციტირებს რაშფორდის სიტყვებს ESPN GB.
შეგახსენებთ, რომ რონალდუსა და „მანჩესტერს“ შორის ხელშეკრულების გაწყვეტა პორტუგალიელის სკანდალურ ინტერვიუს მოჰყვა, რომელშიც კრიშტიანუმ მთავარი მწვრთნელი, ერიკ ტენ ჰაგი და რამდენიმე თანაგუნდელი გააკრიტიკა.
ბრიტანული ტაბლოიდები კი წერენ, რომ 37 წლის რონალდუს სარფიანი წინადადება აქვს საუდის არაბული „ალ-ნასრიგან,“ რომლის მიხედვითაც ის სამ წელიწადში დაახლოებით 216 მილიონ ევროს მიიღებს.
