ევროპა ლიგის ჯგუფური ეტაპი დასრულდა, რის შედეგადაც პლეი-ოფში გასული 16 გუნდის ვინაობა გაირკვა. აღსანიშნავია, რომ ევროპა ლიგაზე 8 გუნდი პირდაპირ მერვედფინალში გავიდა (პირველადგილოსნები), ხოლო 8 გუნდს მანამდე 1/16 ფინალში თამაში მოუწევს (მეორეადგილოსნები), ისევე, როგორც ჩემპიონთა ლიგიდან გადმორთულ გუნდებს.

ჯგუფებში პირველი ადგილები დაიკავეს და ავტომატურად მერვედფინალში ითამაშებენ:

„არსენალი“ (ინგლისი), „ფენერბაჰჩე“ (თურქეთი), „ბეტისი“ (ესპანეთი), „უნიონ სენ-ჟილუა“ (ბელგია), „სოსიედადი“ (ესპანეთი), „ფეიენოორდი“ (ნიდერლანდები), „ფრაიბურგი“ (გერმანია), „ფერენცვაროში“ (უნგრეთი).

ევროპა ლიგის 1/16 ფინალში ითამაშებენ ჯგუფების მეორეადგილოსნები, რომლებიც ჩემპიონთა ლიგიდან გადმორთულ გუნდებს დაუპირისპირდებიან. პირველ მატჩებს ჩემპიონთა ლიგის გუნდები შინ ჩაატარებენ, საპასუხოს - სტუმრად.

ევროპა ლიგის ჯგუფებში მეორეადგილოსნები:

პსვ ეინდჰოვენი (ნიდერლანდები), „რენი“ (საფრანგეთი), „რომა“ (იტალია), „უნიონ ბერლინი“ (გერმანია), „მანჩესტერ იუნაიტედი“ (ინგლისი), „მიდტიულანდი“ (დანია), „ნანტი“ (საფრანგეთი), „მონაკო“ (საფრანგეთი).

ჩემპიონთა ლიგიდან გადასული გუნდები:

„აიაქსი“ (ნიდერლანდები), „ლევერკუზენი“ (გერმანია), „ბარსელონა“ (ესპანეთი), „სპორტინგი“ (პორტუგალია), „ზალცბურგი“ (ავსტრია), „შახტარი“ (უკრაინა), „სევილია“ (ესპანეთი), „იუვენტუსი“ (იტალია).

1/16 ფინალში ერთი ქვეყნის გუნდები ერთმანეთს ვერ შეხვდებიან. წილისყრა 7 ნოემბერს, თბილისის დროით 16:00 საათზე გაიმართება, ხოლო მატჩები 2023 წლის 16-23 თებერვალს შედგება.