სხვა

22:35 | 12.05.2022 | ნანახია [] - ჯერ

მარიამ ფროდიაშვილი-გიორგი მუმლაძის წყვილმა ტყვიის მსროლელთა მსოფლიო თასზე ბრინჯაოს მედალი მოიპოვა

ზულეში (გერმანია) მიმდინარე ახალგაზრდა ტყვიის მსროლელთა მსოფლიო თასზე საქართველოს ნაკრებმა წარმატებას მიაღწია. მარიამ ფროდიაშვილმა და გიორგი მუმლაძემ შერეულ წყვილებში ბრინჯაოს მედალი მოიპოვეს.

საქართველოს წარმომადგენლებმა გადამწყვეტ შეხვედრაში დიდი უპირატესობით - 16:4 დაამარცხეს ტაილანდელთა დუეტი.

საგულისხმოა, რომ მსოფლიო თასი ახლებური სისტემით ჩატარდა - საკვალიფიკაციო ეტაპის შემდეგ ნახევარფინალური სერია არ გამართულა. გუნდები დაკავებული ადგილების მიხედვით დაწყვილდნენ. ფინალშიც ექვსი წყვილი გავიდა: I-II ადგილზე გასულებმა ოქროს მედლისთვის ბრძოლის უფლება მიიღეს, III-VI და IV-V ადგილოსნებს კი ერთმანეთში ურთიერთობის გარკვევა ბრინჯაოს მედლებისთვის მოუწიათ.

ფროდიაშვილი-მუმლაძის წყვილი შესარჩევშიც კარგად გამოვიდა - 571 ქულით 38 მეტოქეს შორის მესამე ადგილზე გავიდა. საქართველოს მეორე წყვილი - სალომე ფროდიაშვილი-იოანე ხვარეშია 544 ქულით 31-ე ადგილზე გავიდა.

GEONOC.ORG.GE

0.117385