საუდის არაბეთში "ბარსელონამ" და "ბოკა ხუნიორსმა" დიეგო მარადონას ხსოვნის პატივსაცემად მისი გარდაცვალებიდან ერთი წლის თავზე ამხანაგური მატჩი ჩაატარეს.
"მარადონას თასის" ბედი პენალტების სერიაში გადაწყდა და არგენტინელებმა მოიგეს. ანგარიში 50-ე წუთზე გაიხსნა და "ბარსა" ფერან ჟუტგლამ დააწინაურა, რასაც "ბოკამ" ესეკიელ ზებალოსის გოლით 77-ე წუთზე უპასუხა და წონასწორობა აღადგინა. საფეხბურთო ლატარეაში სამხრეთამერიკელებმა 4-დან 4 პენალტი გაიტანეს, ესპანელებმა კი 4-დან ორი და გამარჯვება "ბოკამ" მოიპოვა. აქვე გეტყვით, რომ "ბარსელონაში" დანი ალვეშმა ითამაშა, პირველად 2016 წლის შემდეგ.
