შვეიცარიის ქალაქ ნიონში ჩემპიონთა ლიგის მერვედფინალური ეტაპის წილისყრა გაიმართა და ტურნირზე შემორჩენილი 16 გუნდი დაწყვილდა.

როგორც მოსალოდნელი იყო, მომდევნო ეტაპზე ძალიან საინტერესო მატჩები გველოდება და რამდენიმე წყვილი განსაკუთრებით გამოსარჩევია. მაგალითად, "ატლეტიკო" - "ბაიერნი" და პსჟ - "მანჩესტერი". ეს იმას ნიშნავს, რომ ლიონელ მესის და კრიშტიანუ რონალდუს დაპირისპირება შედგება!

მერვედფინალური წყვილები:

"ბენფიკა" (პორტუგალია) - "რეალი" (ესპანეთი)

"ვილიარეალი" (ესპანეთი) - "მანჩესტერ სიტი" (ინგლისი)

"ატლეტიკო" (ესპანეთი) - "ბაიერნი" (გერმანია)

"ზალცბურგი" (ავსტრია) - "ლივერპული" (ინგლისი)

"ინტერი" (იტალია) - "აიაქსი" (ნიდერლანდები)

"სპორტინგი" (პორტუგალია) - "იუვენტუსი" (იტალია)

"ჩელსი" (ინგლისი) - "ლილი" (საფრანგეთი)

"პარი სენ ჟერმენი" (საფრანგეთი) - "მანჩესტერ იუნაიტედი" (ინგლისი)

ჩემპიონთა ლიგის მერვედფინალური ეტაპის პირველი მატჩები 15-16 და 22-23 თებერვალს გაიმართება, ხოლო საპასუხო შეხვედრები 8-9 და 15-16 მარტს ჩატარდება.

P.S ჩემპიონთა ლიგის წილისყრის ეს შედეგები გაუქმდა! ეს უჩვეულო შემთხვევაა და ისტორიაში პირველად მოხდა. მიზეზი? წილისყრის დროს შეცდომა იქნა დაშვებული. "ვილიარეალის" მეტოქედ კალათიდან "მანჩესტერ იუნაიტედი" ამოიღეს, რაც დაუშვებელი იყო, რადგან ეს გუნდები ერთ ჯგუფებში თამაშობდნენ. გარდა ამისა, "ატლეტიკოს" მეტოქე როცა ირკვეოდა, მის შესაძლო მეტოქეებს შორის "მანჩესტერის" ბურთულა კალათში არ იყო მოთავსებული, არადა, ინგლისურ და ესპანურ გუნდებს ერთმანეთთან თამაშის უფლება ჰქონდათ.