1981 წლის 3 დეკემბერს დაიბადა დავიდ ვილია. ესპანეთის ნაკრების, ხიხონის “სპორტინგის” (2000-03), “სარაგოსას” (2003-05), “ვალენსიას” (2005-2010), “ბარსელონას” (2010-13), მადრიდის “ატლეტიკოს” (2013-14), “ნიუ იორკ სიტის”, “მელბურნ სიტის” ფორვარდი. მსოფლიოს 2010 წლის ჩემპიონი. ევროპის 2008 და 2012 წლების ჩემპიონი. 2009 წლის კონფედერაციათა თასის მესამეადგილოსანი. ესპანეთის ნაკრებში ჩაატარა 97 მატჩი, გაიტანა 59 გოლი. 2004 წელს მოიპოვა ესპანეთის თასი და სუპერთასი (“სარაგოსას” შემადგენლობაში). 2008 წელს დაეუფლა ქვეყნის “სამეფო თასს” ვალენსიელთა რიგებში გამოსვლისას. 2005-06 წლების სეზონში დაასახელეს პრიმერა დივიზიონის საუკეთესო ფეხბურთელად. 2011 წელს გახდა ესპანეთის ჩემპიონი, მოიგო მსოფლიოს საკლუბო ჩემპიონატი, ჩემპიონთა ლიგის თასი, ევროპისა და ესპანეთის სუპერთასი. 2012 წელს დაეუფლა ესპანეთის სამეფო თასს. “ატლეტიკოს” შემადგენლობაში 2014 წელს გახდა ესპანეთის ჩემპიონი.