სხვა

17:43 | 15.10.2021 | ნანახია [] - ჯერ

წარმატებული სტარტი One Championship-ზე - დავით ქირია ტურნირის ნახევარფინალშია! (+VIDEO)

დავით ქირიამ მსოფლიო გრამპრიზე წარმატებული სტარტი აიღო. მან One Championship-ის მეოთხედფინალში გერმანელ მეტოქეს შანსი არ დაუტოვა. ქართველმა კიკბოქსიორმა ენრიკო კელს პირველივე რაუნდში აჯობა და მისი დამარცხება სასტიკი ნოკაუტით შეძლო.

კიკ ბოქსინგის ბოლო ათწლეულის უმთავრესი მოვლენა დღეს დაიწყო და მასში მონაწილეობას მსოფლიოს 8 უძლიერესი სპორტსმენი იღებს. უშუალოდ მეოთხედფინალური დაპირისპირება კი ქართველის უპირატესობით წარიმართა და მეტოქე ნოკდაუნში 3-ჯერ გაუშვა.

აღსანიშნავია ისიც, რომ ეს ქირიასთვის ნოკაუტით მე-17 გამარჯვება იყო. საერთო ჯამში კი მას 57 ბრძოლა აქვს ჩატარებული, რომელთაგანაც 39 გამარჯვებით, 18 კი მარცხით დაასრულა.

საქართველოს საუკეთესო კიკბოქსიორი და ერთადერთი ქართველი "Glory"-ის ჩემპიონი ტურნირის მოგების მთავარი კანდიდატია. თანაც მის მოტივაციას ზრდის ჯორჯო პეტროსიანთან დაპირისპირების შანსი, რადგან ტურნირის ტრიუმფატორი სატიტულო ბრძოლას, ჩემპიონის წინააღმდეგ მიიღებს.

70 კილოგრამ წონით კატეგორიაში დავითი ნახევარფინალშია გასული, სადაც მისი მეტოქე თურქი ტაიფუნ ოზკანი იქნება. ტურნირის გამარჯვებული კი პრიზის სახით მილიონი დოლარი გადაეცემა.

0.155328