ინგლისური „ლივერპულის“ მთავარი მწვრთნელი იურგენ კლოპი „ნიუკასლ იუნიატედში“ ახალი მფლობელების მისვლას გამოეხმაურა და თქვა, რომ „კაჭკაჭები“ მსოფლიო ფეხბურთში დომინანტები გახდებიან.

„თუ მხოლოდ ფეხბურთზე ვსაუბრობთ, რა თქმა უნდა, გრძელვადიან პერსპექტივაში „ნიუკასლი“ ფეხბურთში სუპერძალა გახდება. რამდენად მე ვიცი, ეს არის მესამე კლუბი მსოფლიო ფეხბურთში, რომელსაც მთელი ქვეყანა ფლობს. ცხადია, მათ წინაშე დიდი შესაძლებლობები იხსნება. მთელი მსოფლიო სამართლიანად განაწყენდა სუპერლიგის შექმნით, მაგრამ ეს ახლა ეს არის სუპერლიგა მხოლოდ ერთი კლუბისთვის. მომდევნო 20-30 წლის განმავლობაში „ნიუკასლს“ მსოფლიო ფეხბურთში დომინანტური როლი ექნება. ფულის ბოროტად გამოყენება შეიძლება, მაგრამ ფეხბურთში ბევრი კარგი ადამიანია და „ნიუკასლი“ მათ იპოვის. ჩვენ უბრალოდ ფაქტს უნდა შევეგუოთ“, - თქვა კლოპმა.

შეგახსენებთ, რომ გასულ კვირაში „ნიუკასლის“ ახალი მფლობელი საუდის არაბეთის მთავრობის სახელმწიფო საინვესტიციო ფონდი გახდა. მან შეიძინა კლუბის აქციების დაახლოებით 80%. ადრე, ინგლისური გუნდის მფლობელი მილიარდერი მაიკლ ეშლი იყო.