იტალიური „რომას“ გამბიელმა ფეხბურთელმა ებრიმა დარბოემ „მანჩესტერ იუნაიტედთან“ მატჩის შემდეგ კამერების წინაშე ინტერვიუსას იტირა. 19 წლის ფეხბურთელს ოთხი დღის წინ იტალიურ კლუბში დებიუტი ჰქონდა, ამჯერად კი „მანჩესტერთან“ 30-ე წუთზე ტრავმირებული კრის სმოლინგი შეცვალა.

დარბოემ თავისი რთული წარსული გაიხსენა და თქვა, რომ აფრიკიდან ოცნებების ასახდენად გაიქცა.

„მანჩესტერის“ წინააღმდეგ თამაშს ვერ აღვწერ, არ ვიცი, როგორ ავხსნა ეს ემოცია. ოცნება ამიხდა, რომელიც ბავშვობიდან მქონდა. აფრიკაში რთულია მაღალ დონეზე თამაში დახმარების გარეშე. გამბიაში ახლი მეგობარი მყავდა, რომელიც ყოველთვის მეუბნებოდა, რომ ძალიან ძლიერი ვარ და მშობლებისთვის უნდა მეთქვა, რომ ევროპაში წავეყვანე. მშობლები დამეხმარნენ, მაგრამ ადვილი არ ყოფილა. მე არჩევანი არ მქონდა - ორ მეგობართან ერთად აფრიკიდან გავიქეცი და რთული მოგზაურობა მქონდა. ერთი წლის შემდეგ მირიამ ბერუტი გავიცანი, ტალანტების სკაუტი, რომელმაც ჩემი ცხოვრება შეცვალა და მისი ოჯახის ნაწილი გამხადა“, - თქვა დარბოემ.

შეგახსენებთ, რომ „რომამ“ „მანჩესტერს“ 3:2 მოუგო, მაგრამ ორი მატჩის ჯამში 5:8 დამარცხდა და ფინალში გასვლა ვერ მოახერხა.