„პარი სენ ჟერმენის“ მთავარმა მწვრთნელმა მაურისიო პოჩეტინომ „მანჩესტერ სიტისთან“ მატჩის (0:2) მატჩის შემდეგ კომენტარი გააკეთა. არგენტინელი სპეციალისტის აზრით, მისმა გუნდმა კარგად ითამაშა და დომინანტი იყო.

„ისე ვითამაშეთ, როგორც დაგეგმილი გვქონდა. ძალიან კარგად დავიწყეთ თამაში, შევქმენით შანსები და „მანჩესტერ სიტისთან“ ვდომინირებდით, რაც ადვილი არ არი. ყველას არ შეუძლია გაბატონდეს ისეთი გუნდის წინააღმდეგ, როგორიც „მანჩესტერ სიტია“.

ზოგჯერ ფეხბურთში გარკვეულ ეპიზოდებში ცოტა იღბალი გჭირდება. მეტოქემ მომენტების შესანიშნავი რეალიზაცია აჩვენა. მათ გოლი გაიტანეს გრძელი პასით იმ სიტუაციაში, როდესაც ჩვენ მაღლა ვაპრესინგებდით. მინდა „სიტის“ მივულოცო, რადგან ისინი ფანტასტიკურ სეზონს ატარებენ. ამავე დროს ვამაყობ ჩვენი ფეხბურთელებით და გუნდით.

კილიან მბაპეს არყოფნა არ შეიძლება საბაბი იყოს. ჩვენ გუნდი ვართ. სამწუხაროა, რომ ვერ დაგვეხმარა და უიღბლობა იყო, მაგრამ საბაბი არ არის. ამ ფაქტორს საბაბად ვერ გამოვიყენებთ, რადგან პსჟ-მ კარგად ითამაშა“, - თქვა პოჩეტინომ.

შეგახსენებთ, რომ „მანჩესტერ სიტიმ“ „პარი სენ ჟერმენი“ ორი მატჩის ჯამში 4:1 (2:1, 2:0) დაამარცხა და ჩემპიონთა ლიგის ფინალში ისტორიაში პირველად გავიდა.