გაიმართა 2023 წლის ევროპის ზამთრის ახალგაზრდული ოლიმპიური ფესტივალის (იტალია) საორგანიზაციო კომიტეტისა და ევროპის ოლიმპიური კომიტეტების (EOC) საკოორდინაციო კომისიის ვიდეო კონფერენცია, რომელშიც მონაწილეობდა ამავე კომისიის წევრი, სეოკ-ის ვიცე- პრეზიდენტი მამუკა ხაბარელი.
ონლაინ შეხვედრაზე განიხილეს ტექნიკური საკითხები, ისაუბრეს იმ სამუშაოების შესახებ, რაც ამ კონკრეტული ღონისძიების მაღალ დონეზე ჩასატარებლად არის გაწეული. საორგანიზაციო კომიეტეტის ხელმძღვანელმა EOC -ის სპორტულ დირექტორს და ფესტივალის კომისიის წევრებს გააცნო სრული ინფორმაცია მოსამზადებელი სამუშაოების შესახებ.
სეოკ-ის ვიცე-პრეზიდენტის მამუკა ხაბარელის აქტიური ჩართულობა 2023 წლის ევროპის ზამთრის ახალგაზრდული ოლიმპიური ფესტივალის საკორდინაციო კომისიაში მნიშვნელოვანია იმითაც, რომ 2025 წელს ანალოგიურ შეჯიბრებას ბაკურიანმა უნდა უმასპინძლოს.
geonoc.org.ge