უნგრეთის ჩემპიონატის 27-ე ტურში გიორგი ხარაიშვილისა და ლაშა დვალის „ფერენცვაროშმა“ „ბუდაფოკი“ 4:0 გაანადგურა, ქართველმა ნახევარმცველი კი გოლი გაიტანა.

თავიდანვე ვთქვათ, რომ დვალს არ უთამაშია, სათადარიგო სკამზე იყო, რაც გასაკვირი არაა სანაკრებო მატჩების შემდეგ გუნდს ახლახან შეუერთდა. ხარაიშვილი კი სერგეი რებროვმა თამაშში 71-ე წუთზე ჩართო. გიორგიმ 90-ე წუთზე შეძლო თავის გამოჩენა და საბოლოო ანგარიში დააფიქსირა. გიორგისთვის ეს სადებიუტო გოლი იყო „ფერენცვაროშში“ (მეხუთე მატჩში).

„ფერენცვაროში“ უნგრეთის ჩემპიონატს 64 ქულით და ძალიან დიდი უპირატესობით ლიდერობს, შესაბამისად, ჩემპიონობასთან ძალიან ახლოსაა.