საქართველოს წყალბურთელთა ნაკრებმა ტოკიოს ოლიმპიადის შესარჩერ ეტაპზე ასპარეზობა გამარჯვებით დაასრულა. დეიან სტანოევიჩის გუნდმა კანადასთან 18:10 მოიგო, რის შედეგადაც ტურნირზე მე-7 ადგილი ირგუნა.

საქართველოს უპირატესობა ამ შეხვედრაში თვალსაჩინო იყო და მეტოქეს ძალიან ადვილადაც აჯობა. დიდწილად, ყველაფერი მეორე პერიოდმა გადაწყვიტა, რომელიც ქართველებმა 8:3 მოიგეს და თამაშიც ამან გარდატეხა.

საქართველოვე ნაკრებმა როტერდამში მთლიანობაში 7 მატჩი ჩაატარა და 3 მოიგო, ორჯერ კანადასთან (ერთხელ ჯგუფურ ეტაპზე) და ერთხელ ბრაზილიასთან, ხოლო 4-ჯერ დამარცხდა - საბერძნეთთან, მონტენეგროსთან, ხორვატიასთან და ნიდერლანდებთან. სხვათა შორის, სტანოევიჩის გუნდი ჯგუფში ბერძნებთან და მონტენეგროელებთან დაძაბულ ბრძოლაში დამარცხდა და ორივე გუნდი ფინალშია გასული, რაც იმას ნიშნავს, რომ ტოკიოს ოლიმპიადის საგზური უკვე მოიპოვეს.

მესამე საგზური ხორვატია - რუსეთის მატჩში გათამაშდება, რომლებიც მესამე ადგილისთვის ითამშებენ და გამაჯვებული მოიპოვებს ოლიმპიადაზე თამაშის უფლებას. საქართველოს ნაკრებმა კი, როგორც უკვე აღვნიშნეთ, ტურნირი მეშვიდე პოზიციაზე დაასრულა.

საქართველო - კანადა 18:10 (4:2, 8:3, 3:1, 3:3)

გოლები: 0:1 სოტი, 1:1 იელაჩა, 2:1 იელაჩა, 3:1 ბარალდი, 3:2 ჯერკოვიჩი, 4:2 მაგრაქველიძე, 5:2 ელეზი, 5:3 დ’სოუზა, 6:3 იელაჩა, 7:3 იმნაიშვილი, 8:3 ბითაძე, 9:3 ჯახაია, 9:4 დ’სოუზა, 10:4 ბარალდი, 10:5 დ’სოუზა, 11:5 შუშიაშვილი, 12:5 ელეზი, 13:5 შუშიაშვილი, 13:6 ჯერკოვიჩი, 14:6 ბითაძე, 14:7 დ’სოუზა, 15:7 მაგრაქველიძე, 16:7 შუშიაშვილი, 17:7 მაგრაქველიძე, 17:8 სპუნერი, 17:9 დ’სოუზა, 18:9 მაგრაქველიძე, 18:10 პატერსონი