ფეხბურთი

17:15 | 16.01.2021 | ნანახია [] - ჯერ

კლოპი: "ვნახოთ, სულშერის მოლოდინი თუ გამართლდება"

ინგლისური „ლივერპულის“ მთავარმა მწვრთნელმა იურგენ კლოპმა „მანჩესტერ იუნაიტედთან“ მნიშვნელოვანი მატჩის წინ კომენტარი გააკეთა. გერმანელი სპეციალისტის განცხადებით, იციან რაც უნდა გააკეთოთ და თამაშს მოუთმენლად ელოდება.

„ბოლო მატჩი „საუთჰემპტონთან“ წავაგეთ, რაც აბსოლუტურად არ იყო ჩვენი გეგმის ნაწილი, მაგრამ მეორე დღეს ვისაუბრთ და ამ დიალოგში ინიციატივა ბიჭებმა აიღეს. ახლა ვართ იქ, სადაც გვინდა, რომ ვიყოთ, ვიცით რა უნდა გავაკეთოთ და ვიცით რა გავაკეთეთ არასწორად. გვინდა სიტუაცია შევცვალოთ.

ახლა ყველაფერი მოედანზე უნდა დავამტკიცოთ, სიტუაცია ასეთია. სიმართლე გითხრათ, მოუთმენლად ველოდები „მანჩესტერ იუნაიტედთან“ მატჩს, ვიცი, სულშერმა თქვა, რომ ახლა საუკეთესო მომენტია „ლივერპულთან“ სათამაშოდ... კარგი, ვნახოთ თუ ეს ასეა“, - თქვა კლოპმა.

შეგახსენებთ, პრემიერლიგას 36 ქულით „მანჩესტერი“ ლიდერობს, „ლივერპული“ კი მას 3 ქულით ჩამორჩება. ამ გუნდების მატჩი 17 იანვარს, თბილისის დროით 20:30 საათზე დაიწყება.

0.111399