მიუნხენის "ბაიერნმა" შესაძლოა ჩემპიონშიფის გუნდის "რედინგის" მარცხენა გარემარბი ომარ რიჩარდსი დაიმატოს. 22 წლის ინგლისელ ფეხბურთელს კლუბთან კონტრაქტი 2021 წლის ზაფხულში უმთავრდება და ფინანსური რეგულაციების გამო "რედინგი" ფეხბურთელს ხელშეკრულებას ვერ გაუხანგრძლივებს. აღნიშნულ ინფორმაციას Sky Sports-ი იუწყება.

იმ შემთხვევაში თუ რიჩარდსი კლუბში დარჩება, "რედინგს" მისი გუნდში ყოფნა 15 მილონი გირვანქა სტერლინგი დაუჯდება. აღნიშნულიდან გამომდინარე ომარი კლუბს დატოვებს და თავისუფალი აგენტის სტატუსით სხვა გუნდში გადავა.

რიჩარდსი "რედინგის" აკადემიის აღზრდილია და პირველ გუნდში 2017 წლიდან თამაშობს. აღნიშნული გუნდის მაისურით ომარმა 83 მატჩი ჩატარება მოახერხა.