ჩრდილოეთ მაკედონიის ფეხხბურთის ფედერაციამ საქართველოს ნაკრებთან გამარჯვებისთვის ფეხბურთელებს პრემიები დაუწესა.

ადგილობრივი მედიის ინფორმაციით, თუ ისინი ევროპის ჩემპიონატზე გავლენ, ფეხბურთის ფედერაცია 3 მილიონი ევროს ბონუსით დააჯილდოვებს.

საქმე ისაა, რომ მაკედონიის ფეხბურთის ფედერაცია ევროპის ჩემპიონატზე გასვლით დიდძალ თანხას, თითქმის 10 მილიონ ევროს მიიღებს, აქედან დაახლოებით 30% კი ფეხბურთელებზე გადანაწილდება.

შეგახსენებთ, საქართველო - ჩრდ. მაკედონიის ნაკრებთა მატჩი 12 ნოემბერს, თბილისში, 21:00 საათზე გაიმართება. გამარჯვების შემთხვევაში საქართველოს ნაკრები ისტორიაში პირველად გავა ევროპის ჩემპიონატზე, სადაც C ჯგუფში ნიდერლანდების, ავსტრიისა და უკრაინის ნაკრებებთან ერთად ითამაშებს.