ფეხბურთი

16:48 | 23.09.2020 | ნანახია [] - ჯერ

"გრანადას" მწვრთნელი: "ლოკომოტივმა" რთული ეტაპები დაძლია, მზად ვართ ნებისმიერი ტიპის მატჩისთვის"

ესპანური „გრანადას“ მთავარმა მწვრთნელმა დიეგო მარტინესმა ევროპა ლიგის მესამე საკვალიფიკაციო ეტაპზე თბილისის „ლოკომოტივთან“ მატჩის წინ პრესკონფერენცია გამართა. ესპანელი სპეციალისტის განცხადებით, მისი გუნდისთვის ეს თამაში დიდი გამოწვევაა, რადგან ევროტურნირებზე ისტორიაში პირველ საშინაო მატჩს ჩაატარებენ.

მარტინესმა „ლოკომოტივზეც“ ისაუბრა და აღნიშნა, რომ თბილისურმა გუნდმა ძალიან რთული გზა გაიარა და კონტრშეტევებზე სახიფათო გუნდია:

„ყველასთვის განსაკუთრებული თამაშია, „ლოს კარმენესზე“ ევროპული დებიუტი შედგება, ძალიან დიდი გამოწვევაა. „ლოკომოტივი“ აქამდე ძალიან რთული გზით მოვიდა, კონტრშეტევაზე კარგად თამაშობს და კონკურენტუნარიანი გუნდია. მათ 3-4 კარგი და ტექნიკური ფეხბურთელები ჰყავთ. თუმცა ჩემს გუნდს ვენდობი, მოთმინების უნარი უნდა გვქონდეს და მონდომება, ენთუზიაზმით ჩვენი თამაშის საუკეთესო ვერსია უნდა ვაჩვენოთ.

მზად ვართ ნებისმიერი ტიპის მატჩისთვის, ამ გუნდს სწამს იმის, რასაც აკეთებს, ეს ფეხბურთელები მაქსიმუმს აკეთებენ და ეს არის ის, რაც გვინდა. ვიცით, რომ ეს ევროტურნირია და ძალიან რთული თამაში იქნება. გუნდი კონკურენტუნარიანი იქნება, კარგ ფორმაში ვართ და მხოლოდ ხვალინდელ თამაშზე ვფიქრობთ. ახლა მომავალი არ არსებობს, აუცილებელია, მაქსიმალური ენთუზიაზმით და თავმდაბლობით სიამოვნება მივიღოთ“, - თქვა მარტინესმა.

შეგახსენებთ, „გრანადასა“ და „ლოკომოტივის“ მატჩი 24 სექტემბერს, თბილისის დროით 22:00 საათზე დაიწყება. ორივე გუნდი ევროპა ლიგის მესამე საკვალიფიკაციო ეტაპზე პირველად ითამაშებს.

0.148227