საკალათბურთო ჩემპიონთა ლიგა, რომელიც მარტში მერვედფინალურ სტადიაზე კორონავირუსის პანდემის გამო შეწყდა, დღეს განახლდა. გიორგი შერმადინის „იბეროსტარ ტენერიფემ“ მეოთხედფინალის საგზური მოიპოვა.

ესპანური გუნდი მერვედფინალში ბელგიურ „ოსტენდეს“ ხვდებოდა და სერიაში ანგარიში 1:1 იყო. გადამწყვეტი მატჩი „ტენერიფემ“ 62:54 მოიგო და მომდევნო ეტაპზე გავიდა. მასპინძლებს პრობლემა არ ჰქონიათ, მთავარი მესამე პერიოდი გამოდგა, რომელიც ესპანელებმა 8 ქულით მოიგეს და საბოლოოდაც ეს სხვაობა დაფიქსირდა.

შერმადინი სასტარტო ხუთეულში იყო და 23:23 წუთში 9 ქულა, 10 მოხსნა, 3 პასი და 1 ჩაჭრა მიითვალა. ამრიგად, გიორგის ორმაგ დუბლამდე ერთადერთი ქულა დააკლდა. ქართველმა ცენტრმა 7-დან მხოლოდ 2 ორქულიანი (28.57%) და 6-დან 5 საჯარიმო ჩააგდო (83.33%), მისი მარგი ქმედების კოეფიციენტი კი 12-ს გაუტოლდა.

„იბეროსტარ ტენერიფეს“ შემდეგ მეტოქე ესპანური „სარაგოსაა“ და სწორედ მასთან ბრძოლაში გაითამაშებს ნახევარფინალის საგზურს.