საქართველოს ეროვნული ნაკრები ერთა ლიგის C დივიზიონის 2020 წლის გათამაშების საწყისი ორი მატჩისთვის ემზადება. "ჯვაროსნები" თბილისში ემზადებიან და საწვრთნელ პროცესში პირველ დღეს მხოლოდ ეროვნული ლიგის კლუბებიდან გამოძახებული ფეხბურთელები და თურქული "ანკარაგიუჯუს" ლეგიონერი საბა ლობჟანიძე მონაწილეობდნენ.

ლეგიონერების უმრავლესობა ეროვნულ ნაკრებს 1 სექტემბერს შეუერთდება. აღსანიშნავია, რომ ვლადიმირ ვაისს შემადგენლობაში იძულებითი ცვლილელების შეტანა მოუწია. ტრავმების გამო ნაკრებს გიორგი ნავალოვსკი, ლაშა დვალი და ოთარ კიტეიშვილი გამოაკლდნენ, სლოვაკმა მათ ნაცვლად მხოლოდ ერთი ფეხბურთელი, "დინამო ბათუმის" მცველი მამუკა კობახიძე გამოიძახა.

საქართველოს ნაკრებში ვლადიმირ ვაისს ამჟამად 25 ფეხბურთელი ჰყავს გამოძახებული, ნაკრები 3 სექტემბრამდე ს.კ "ზესტაფონის" ბაზაზე მოემზადება და შემდეგ ტალინში გაემგზავრება.

შეგახსენებთ, საქართველოს ნაკრები 5 სექტემბერს, ესტონეთს ესტუმრება, ხოლო სამი დღის თავზე თბილისში ჩრდილოეთ მაკედონიას დაუხვდება. ორივე მატჩი 20:00 საათზე დაიწყება. საქართველოს შემადგენლობა ასეთია:

მეკარეები: გიორგი ლორია (ანორთოსისი, კვიპროსი), გიორგი მაკარიძე (ვიტორია, სეტუბალი, პორტუგალია), ლაზარე კუპატაძე (საბურთალო, თბილისი)

მცველები: ოთარ კაკაბაძე (ლუცერნი, შვეიცარია), დავით ხოჭოლავა (შახტარი, დონეცკი, უკრაინა), გია გრიგალავა (არსენალი, ტულა, რუსეთი), სოლომონ კვერკველია (როტორი, ვოლგოგრადი, რუსეთი), ნიკა მალი (საბურთალო, თბილისი), მამუკა კობახიძე (დინამო, ბათუმი), დავით კობოური (დინამო, თბილისი)

ნახევარმცველები: ჯაბა კანკავა (ტობოლი, ყაზახეთი), ვაკო გვილია (ლეგია, პოლონეთი), გიორგი ჩაკვეტაძე (გენტი, ბელგია), გიორგი აბურჯანია (ტვენტე, ჰოლანდია), მურთაზ დაუშვილი (ანორთოსისი, კვიპროსი), ლევან შენგელია (ქონიასპორი, თურქეთი), ნიკა კვეკვესკირი (ტობოლი, ყაზახეთი), საბა ლობჟანიძე (ანკარაგუჯუ, თურქეთი), ხვიჩა კვარაცხელია (რუბინი, ყაზანი, რუსეთი), ზურიკო დავითაშვილი (როტორი, ვოლგოგრადი, რუსეთი), გიორგი კუცია (დინამო, თბილისი), ჯაბა ჯიღაური (დინამო, ბათუმი)

თავდამსხმელები: გიორგი ქვილითაია (გენტი, ბელგია), თორნიკე ოქრიაშვილი (ანორთოსისი, კვიპროსი), ნიკა კაჭარავა (ანორთოსისი, კვიპროსი)