ფეხბურთი

15:36 | 25.08.2020 | ნანახია [] - ჯერ

რუი კოშტა: „თანაგუნდელები დარწმუნებულები ვიყავით, რომ პირლო დიდი მწვრთნელი გახდებოდა“

ფლორენციის „ფიორენტინასა“ და „მილანის“ ყოფილმა ფეხბურთელმა მანუელ რუი კოშტამ, რომელიც ახლა ლისაბონის „ბენფიკაში“ მუშაობს, იტალიურ მედიასთან ანდრეა პირლოს, „მილანის“, ლიონელ მესისა და იტალიური ფეხბურთის ჩავარდნაზე ისაუბრა.

რუი კოშტას განცხადებით, პირლო აუცილებლად დიდი მწვრთნელი გახდება, მაგრამ როგორც „მილანის“ ქომაგი, მას დიდ წარმატებებს ვერ უსურვებს.

„მილანს“ რამდენიმე წლის წინ შესანიშნავი ციკლი ჰქონდა, მონაწილეობა მიიღო ჩემპიონთა ლიგის სამ ფინალში, საიდანაც ორი მოიგო. შემდეგ კლუბმა დაკარგა სიმძლავრე, მაგრამ მოახდინა ინვესტიცია და სტრუქტურაში მკვეთრი ცვლილებები განიცადა, ამ ყველაფერმა გამოიწვია ეს ციკლი. ახლა „მილანი“ იზრდება და განვითარების ეტაპზეა. ბევრი ფიქრობს, რომ ბოლო სეზონში შეეძლო ჩემპიონთა ლიგაზე გასვლა, მაგრამ ვფიქრობ, რომ ძალიან ახლოსაა ისევ ამ ტურნირზე გასასვლელად, ტურნირზე, სადაც „მილანი“ ყოველთვის უნდა იყოს.

პირლო? მე და ყველა ჩვენი თანაგუნდელი ფიქრობდა, რომ დიდი მწვრთნელი გახდებოდა. პირლოს აქვს ფეხბურთის არაჩვეულებრივი ხედვა, მოსალოდნელი იყო, რომ მწვრთნელი გახდებოდა. იმედი მაქვს, რომ წარმატებული მწვრთნელი იქნება, დიდ წარმატებებს ვერ ვუსურვებ, რადგან თუ ის გაიმარჯვებს, ეს ნიშნავს, რომ „მილანმა“ ვერ მოიგო (იღიმის). როგორც კოლეგას, ჩვენი დიდი მეგობრობისთვის დიდ წარმატებებს ვუსურვებ. დარწმუნებული ვარ, ასეც იქნება.

ბოლო წლებში იტალიურმა ფეხბურთმა ადგილი დაუთმო ესპანეთს, ინგლისსა და გერმანიას.ვფიქრობ, ეს ზოგადად ქვეყანამ განაპირობა, სადაც ფეხბურთში ძალიან ცოტა ინვესტიცია იდება. იტალიას აღარ აქვს ის, რაც ყოველთვის ჰქონდა: მსოფლიოში საუკეთესო ფეხბურთელები, მათ შორის იტალილები. კრიშტიანუ რონალდუს გადასვლა პოზიტიური წერტილია, რამაც შეიძლება მიიზიდოს მაღალი დონის მოთამაშეები. „ატალანტა“ ჩემპიონთა ლიგის მეოთხედფინალში გავიდა, „ინტერი“ ევროპა ლიგის, ეს კარგია, იტალიურ ფეხბურთში მცირედი ზრდაა, მაგრამ გაცილებით მეტი უნდა იყოს.

მესი „ინტერში“? არ ვიცი ის რას ფიქრობს. აღარაფერს ვამბობს, „ბარსელონას“ პრეზიდენტზე, რომ ვთქვა, რა მოხდება. მე ვლაპარაკობ, როგორც გულშემატკივი: მჯერა მესის ლამაზი ისტორია „ბარსელონაში“ გაგრძელდება და იქ დამთავრდება. მხოლოდ ჩემი აზრია, რომ მესის და „ბარსელონას“ ისტორია ერთად უნდა დასრულდეს“, - თქვა რუი კოშტამ.

0.138131