„იუვენტუსი“ ჩემპიონთა ლიგას გამოეთიშა, მაგრამ კრიშტიანუ რონალდუს ბრალი ამაში ნამდვილად არაა. მეტიც, პორტუგალიელმა ტურინული გრანდის ყველა დროის რეკორდი დაამყარა, რომელსაც 95(!) წლის განმავლობაში ვერავინ ეხებოდა.
საქმე ისაა, რომ კრიშტიანუმ 2019-2020 წლების სეზონი 37 გოლით დაასრულა და „იუვეს“ არცერთ ფეხბურთელს ერთ სეზონში მსგავსი შედეგიანობით არ უთამაშია. რონალდუმ უნგრელი ფერენც ჰირცერის მიღწევა გააუმჯობესა, რომელმაც 95 წლის წინ სეზონში 35 გოლის გატანა მოახერხა.
კრიშტიანუს 37 გოლი 2019-2020 წლების სეზონზე ასე ნაწილდება: სერია A – 31 გოლი, ჩემპიონთა ლიგა - 4 გოლი, იტალიის თასი - 2 გოლი.
