ფეხბურთი

22:02 | 14.06.2020 | ნანახია [] - ჯერ

ოთარ კიტეიშვილი სეზონის რესტარტს შესანიშნავ ფორმაში შეხვდა

ოთარ კიტეიშვილი სეზონის რესტარტს ჩინებულ ფორმაში შეხვდა. მიუხედავად იმისა, რომ წინა ორ ტურში „შტურმი“ დამარცხდა, ქართველი გამორჩეული იყო თანაგუნდელთა შორის.

ახლა კი, „ჰარტებერგთან“ საგარეო მატჩში კიდევ ერთი მაღალი დონის თამაში ჩაატარა და თავის გუნდს ნანატრ გამარჯვებაში დაეხმარა.

მასპინძლები მალევე დაწინაურდნენ და ტაიმი მოიგეს. თუმცა, მეორე ნახევრის სტარტიდან გრაცელები უპირატესობას დაეუფლნენ. ოთარ ძალიან ახლოს იყო გოლთან, ერთი შეხებით ცდილობდა გატანას, მაგრამ ოდნავ სიზუსტე დააკლდა. პასებიც მრავლად არიგა და მთელი თამაში აქტიური იყო.

ერთ-ერთი ასეთი აქტიურობის შედეგად, 85-ე წუთზე ჯარიმა გამოიმუშავა, რომელიც კირილ დესპოდოვმა გოლად აქცია. 3 წუთში ბულგარელმა მეორე ჯარიმაც გაიტანა და „შტურმს“ 2:1 მოაგებინა. გრაცელები მე-6 ადგილზე არიან და ევროპა ლიგის ზონაში მყოფ იმავე „ჰარტებეგრს“ ერთადერთი ქულა აშორებთ.

0.125627