ზაფხულის ოლიმპიური სახეობების საერთაშორისო ფედერაციათა ასოციაციის (ASOIF) აღმასრულებელიდირექტორის ენდრიუ რაიანის ცნობით, საერთაშორისო ოლიმპიური კომიტეტის (IOC) და შვეიცარიის მთავრობის მიერ საერთაშორისო ფედერაციებისთვის კორონავირუსის პანდემიის ეკონომიკური შედეგების შესამცირებლად გამოყოფილი ერთობლივი სახსრები დაიქვითება ტოკიო-2020-ის შემოსავლების მათი წილიდან და ეს მიხდება 2021 წლის ბოლოს.

გასულ კვირას IOC-ის პრეზიდენტმა თომას ბახმა განაცხადა, რომ IOC კორონავირუსის პანდემიით გამოწვეული ეკონომიკური შედეგების შესამცირებლად 800 მილიონ დოლარს გამოყოფს, საიდანაც 650 მილიონი მიმართული იქნება ტოკიოს თამაშების გადავადებით გამოწვეული ხარჯების დასაფარად, ხოლო 150 მილიონი ფედერაციების და ეროვნული ოლიმპიური კომიტეტების მხარდასაჭერად.

შეკითხვაზე, თუ რამდენი ფედერაცია მიიღებს IOC-ის წლევანდელ დახმარებას, რაიანი პასუხობს: „ჯერ არ გვაქვს ზუსტი ციფრი, მაგრამ აშკარაა, რომ ყველაზე მეტ ფინანსურ წნეხს განიცდიან ის ფედერაციები, რომლებიც მნიშვნელოვან შემოსავლებს ღებულობენ მათი ეგიდით ჩატარებული შეჯიბრებებიდან, რომლებიც 2021 და 2022 წლებისთვის გადაიტანეს."

GEONOC.ORG.GE