ფეხბურთი

23:21 | 8.05.2020 | ნანახია [] - ჯერ

ჩემპიონთა ლიგის გარეშე - სიმბოლური ნაკრები

ცნობილმა ინტერნეტპორტალმა Transfermarkt-მა მეტად საინტერესო სიმბოლური ნაკრები გამოაქვეყნა იმ ფეხბურთელებისგან, რომელთაც ჩემპიონთა ლიგა არასდროს მოუგიათ.

საუკეთესო 11-ეული, რომელშიც ტურინის „იუვენტუსის“ ყოფილი ფეხბურთელები სჭარბობენ, ასეთია:

მეკარე: ჯანლუიჯი ბუფონი (იუვენტუსი) – 123 თამაში ჩემპიონთა ლიგაზე

მცველები: ჯანლუკა ძამბროტა (იუვენტუსი) – 71 თამაში, ლილიან ტურამი (იუვენტუსი) – 69 თამაში, ფაბიო კანავარო (იუვენტუსი) – 60 თამაში, გაელ კლიში (არსენალი) – 73 თამაში

ნახევარმცველები: რობერ პირესი (არსენალი) – 71 თამაში, მიხაელ ბალაკი (ჩელსი) – 93 თამაში, პაველ ნედვედი (იუვენტუსი) – 79 თამაში

თავდამსხმელები: ფრანჩესკო ტოტი (რომა) – 55 თამაში, რონალდო (რეალი) – 40 თამაში, ზლატან იბრაჰიმოვიჩი (პსჟ) – 120 თამაში

აქვე გეტყვით, რომ 2007 წლის გაზაფხულზე, როდესაც „მილანმა“ ჩემპიონთა ლიგა მოიგო, რონალდო „როსონერიში“ ირიცხებოდა, მაგრამ ამ ტურნირის განაცხადში არ იყო (იანვარში შეუერთდა იტალიურ გუნდს და ამიტომ) და შესაბამისად, უტიტულოდ დარჩა.

ზემოჩამოთვლილი ფეხბურთელებიდან ჩემპიონთა ლიგის მოგებასთან ყველაზე ახლოს ჯიჯი ბუფონი და მიხაელ ბალაკი იყვნენ. იტალიელს სამი ფინალი აქვს წაგებული, გერმანელს - ორი.

0.149667