მადრიდის „რეალის“ ყოფილი პრეზიდენტი ლორენსო სანსი კორონავირუსით გარდაიცვალა. ინფორმაცია ოფიციალურად დადასტურდა.
76 წლის სანსს კორონავირუსი 17 მარტს დაუდგინდა და საავადმყოფოში მძიმე მდგომარეობაში გადაიყვანეს. სამწუხაროდ, ექიმებმა მისი გადარჩენა ვერ მოახერხეს.
სანსი „რეალის“ პრეზიდენტი 1995-2000 წლებში იყო და მასთან ერთად „სამეფო კლუბმა“ ორჯერ (1998, 2000) მოიგო ჩემპიონთა ლიგა, მათ შორის, 32-წლიანი პაუზის შემდეგ პირველად (1998 წელს).
